மங்காத்தா" படத்தின் கதை பற்றியும், அதில் அஜீத்தின் ரோல்

Views

க்ளவுடு நைன் மூவிஸ் சார்பில், துரை தயாநிதி தயாரிப்பில், வெங்கட்பிரபு இயக்கத்தில் படுவேகமாக வளர்ந்து வரும் அஜீத்தின் 50வது படம் "மங்காத்தா". மிகுந்த எதிர்பார்ப்பை ஏற்படுத்தியிருக்கும் இப்படத்தில் அஜீத்துக்கு ஜோடியாக த்ரிஷா நடித்து இருக்கிறார். இவர்களுடன் "ஆக்ஷன் கிங்" அர்ஜூன், அஞ்சலி, லெட்சுமி ராய், வைபவ், பிரேம்ஜி அமரன் உள்ளிட்ட பலர் நடித்து இருக்கின்றனர். யுவன் சங்கர் ராஜா இசையமைத்து இருக்கிறார். படத்தில் ஒரு பாட்டுக்கு அஜீத்துடன், பாலிவுட் நடிகை கைநட் அரோரா ஆடியிருக்கிறார்.

"மங்காத்தா" படத்தின் கதை பற்றியும், அதில் அஜீத்தின் ரோல் குறித்தும் சஸ்பென்ஸாகவே இருந்து வந்த நிலையில், படத்தில் அஜீத்துக்கு நெகடிவ் ரோல் என்பது தெரியவந்துள்ளது. வாழ்கையில் ஒரு விஷயத்தை அடைய வேண்டும் என்பதற்காக என்ன வேண்டுமானாலும் செய்யத் துணியும் ஒரு நெடிவ் கேரக்டராம் அஜீத்துக்கு. இதுவரை அஜீத் நடித்த படங்களிலேயே, இந்தபடத்தில் தான் அவர் வித்யாசமான பாத்திரம் ஏற்று நடித்திருக்கிறாராம். இதனால் அஜீத் ரசிகர்கள் மத்தியில் மங்காத்தா படம் மிகுந்த எதிர்பார்ப்பை ஏற்படுத்தியிருக்கிறது.