மீண்டும் பாடகரானார் தனுஷ்

Views

தொடர்ந்து ஓய்வின்றி பிஸியாக நடித்து கொண்டு இருக்கும் தனுஷ், ஹரியின் வேங்கை படத்தை முடித்த கையோடு அடுத்து, தனது அண்ணன் செல்வராகவன் இயக்கும் இரண்டாம் உலகம் படத்தில் நடிக்க ‌தொடங்கிவிட்டார். இப்படத்தில் தனுஷிற்கு ஜோடியாக ஆண்டிரியா நடித்து வருகிறார். ஜி.வி.பிரகாஷ் இசையமைக்கிறார். இந்த படத்தில் தனுஷ் பாட்டு பாடியிருப்பதாக ஏற்கனவே தகவல் வெளியானது. இப்போது தனுஷ் அதை உறுதிபடுத்தியுள்ளார்.

இதுகுறித்து தனது வலைதளத்தில் தனுஷ் கூறியிருப்பதாவது, இரண்டாம் உலகம் படத்தில் நான் இரண்டு பாடல்கள் பாடியிருக்கிறேன் என்று எழுதியுள்ளார். ஏற்கனவே தனுஷ் "ஆயிரத்தில் ஒருவன்" படத்தில் "உன் மேல ஆச தான்..." என்ற பாடலை பாடியிருந்தார். இப்பாட்டு நல்ல வரவேற்பை பெற்றது. இப்போது இந்த படத்திலும் தனுஷ் இரண்டு பாடல்கள் பாடியிருக்கிறார். இந்தபாடல்களும் நன்றாக வரும் என்பது அவரது ரசிகர்களின் நம்பிக்கை.