அவன் இவன் படத்திற்கு யு/ஏ சான்று!

Views

"நான் கடவுள்" படத்தை தொடர்ந்து டைரக்டர் பாலா அடுத்து இயக்கி இருக்கும் படம் "அவன் இவன்". இப்படத்தில் ஆர்யா, விஷால், மதுஷாலினி, ஜனனி ஐயர் ஆகியோர் நடித்திருக்கின்றனர். எப்போதும் வித்யாசமான படங்களை எடுக்கும் பாலா, இப்படத்தையும் வித்யாசமாகவும், சிறிது கமர்ஷியலாகவும் எடுத்திருக்கிறார். கூடவே இப்படத்தை மிக குறுகிய காலத்தில் எடுத்து முடித்து இருக்கிறார். படத்தில் ஆர்யாவுக்கும், விஷாலுக்கும் வித்யாசமான கேரக்டர், குறிப்பாக விஷாலுக்கு அரவானி கேரக்டர். 

இதனிடையே இப்படத்தை பார்த்த தணிக்கை குழுவினர், சில காட்சிகளை நீக்கினால் யு சான்று வழங்குவதாகவும், நீக்காவிட்டால் யு/ஏ சான்று வழங்குவதாகவும் கூறியிருக்கின்றனர். பாலாவோ படத்தில் அந்தகாட்சி முக்கியத்துவம் வாய்ந்தது, ஆகையால் நீக்க முடியாது என்று கூறியிருக்கிறார். இதனால் படத்திற்கு யு/ஏ சான்று வழங்கியுள்ளனர். யுவன் சங்கர் ராஜா இசையமைத்து இருக்கிறார். கல்பாத்தி அகோரம் தயாரித்துள்ள இப்படம் மே 20ம் தேதி திரைக்கு வருகிறது.